फागुन ३, जाजरकोट । शिवालय गाउँपालिकामा भोलि शुक्रबार हाटबजार लाग्ने भएको छ । शिवालय गाउँपालिका ३ ऐरेली बजारमा कृषि हाटबजारको उदघााटन हुने भएको छ ।

गाउँपालिका कृषि विकास शाखा तथा सहास नेपाल पाइला परियोजनाले कृषि हाटबजारको आयोजना गरेको नि. प्रमुख प्रशासकीय अधिकृत भद्र बहादुर शाहीले बताए । 

हाटबजार सञ्चालन गरिने भएकोले बिक्रीवितरण गर्नका लागि आफ्ना कृषि उपजहरु लिएर उपस्थित हुन सम्पूर्ण कृषकहरु, ब्यापारी, उपभोक्ताहरुलाई गाउँपालिका कृषि विकास शाखाले पनि अनुरोध गरेको छ ।

साथै कृषिउपज खरिदका लागि सरोकारवालाहरुले खवर सहजिकरण गरिदिन पनि गाउँपालिकाले आग्रह गरेको छ । 
कृषि हाटबजार केन्द्र बिहान १० बजेदेखि संचालन हुने छ । यस्तै कृषिउपज बस्तुहरु पायक पर्ने कुनै स्थानबाट ढुवानिका लागि गाउँपालिकाले ब्यवस्थापन गर्ने समेत बताइएको छ ।