माघ ३, जाजरकोट । सामुदायिक वन उपभोक्ता महासंघ नेपालले आज छेडागाड नगरपालिका वडा नं ८ को पशुपति आधारभुत विद्यालयमा अध्यनरत विद्यार्थीलाई न्यानो कपडा जकेट वितरण गरेको छ ।

सामुदायिक वन उपभोक्ता महासंघ नेपाल केन्द्रीय सचिवालय दुवाकोटको सहयोगमा न्यानो कपडा वितरण गरिएको हो । उक्त न्यानो कपडा वितरण कार्यक्रममा जिल्ला महासंघका अध्यक्ष प्रेमबहादुर कार्की, पूर्व अध्यक्ष तथा नेकपा एमालेका कर्णाली प्रदेश कमिटीका पूर्व उपाध्यक्ष लालबहादुर महतारा, महासंघका केन्द्रीय सदस्य गोपालबहादुर नेपाली र एमाले कर्णाली प्रदेश कमिटीका सदस्य करविर चदाराको उपस्थिति रहेको थियो ।