बैशाख ८, बाँके । नेपालगन्ज एयरपोर्ट बस्ने पृथी बहादुर बुढाले आफुमाथि आक्रमणको प्रयास भएको बताएका छन । बुढाले सोही ठाउँ बस्ने पवन कोइरालाले आफुमाथि आक्रमणको प्रयास गरेको बताए । कोइराला बिरुद्ध कोहलपुर इकालाका प्रहरी कार्यालयमा मुद्दा दिने समेत बुढाले जानकारी दिए । 

पवन कोइरालाले धारीलो हतियार प्रहारगरि मार्ने प्रयास गरेको भन्दै बुढाले कोहलपुर इलाकामा मुद्दा दर्ता गराउने लालआवाजलाई बताए । 

एयरपोर्टमा आफ्नो पनि पसल भएको र नजिकै पसल गर्ने पवनले बैशाख ७ गते बेलुकी पछाडीबाट गर्धनमा धारीलो हतियार प्रहार गर्न उचालेको अवस्थामा छिमेकी पवित्रा पौडेलले रोकी ज्यान बचाएको पृथी बहादुर बुढाले बताएका छन । पवन सँग नजिकै पसल गर्ने नाताले चीनजान भएपनि व्यक्तिगत रिसइबी नभएको बुढाको भनाइ छ ।