बैशाख १०, बाँके । नेपालगन्ज एयरपोर्ट बस्ने पृथी बहादुर बुढामाथि आक्रमणको प्रयास गर्ने पवन कोइरालालाई कोहलपुर इलाका प्रहरीले पक्राउगरि मुद्दा चलाएको छ ।

कोहलपुर इलाका प्रहरी कार्यालयका प्रमुख धर्मराज अधिकारीले पृथी बहादुर बुढालाई आक्रमण गर्न खोज्ने पवन कोइरालालाई पुलिसले नियन्त्रणमा लिइ मुद्दा चलाएको र म्याद थप गरिएको बताए ।  यस अघि बुढाले सोही ठाउँ बस्ने कोइरालाले आफुमाथि आक्रमणको प्रयास गरेको बताएका थिए ।

एयरपोर्टमा आफ्नो पनि पसल भएको र नजिकै पसल गर्ने पवनले बैशाख ७ गते बेलुकी पछाडीबाट गर्धनमा धारीलो हतियार प्रहार गर्न उचालेको अवस्थामा छिमेकी पवित्रा पौडेलले रोकी ज्यान बचाएको  बुढाले बताएका थिए ।