असार १७, जाजरकोट । छेडागाड नगरपालिका वडा नम्बर ६ को बाबर्नि स्थान प्रा. बि. का सम्पुर्ण बिद्यार्थीलाई पोशाक बितरण गरिएको छ । दक्षिण कोरिया रहेका दिनेश शर्माको पहल र बाबर्नि स्थान स्कुल का प्र अ राम प्रसाद शर्माको सक्रियतामा बिद्यालयका सबै बिद्यार्थीहरुलाई पोशाक बितरण गरिएको छ ।

आज बिद्यालयमा  एक कार्यक्रमगरि सबै बिद्यार्थीलाई पोशाक हस्तान्तरण गरिएको छ । कार्यक्रमका प्रमुख अतिथि छेडागाड नगर पालिका वडा नम्बर ६ का अध्यक्ष भक्त बहादुर थापाले गरिब एवम् जेहेन्दार  बिद्यार्थीहरुलाई पोशाक बितरण गर्दै दिनेश न्यौपानेलाई बिशेष धन्यवाद दिए । बेला बेलामा आफ्नो वडामा अतुलनीय सहयोग गरेकाले आफ्नो तर्फबाट धन्यवादको पात्र दिनेश न्यौपाने रहेको थापाले बताए ।

भौतिक रुपमा दिनेश न्यौपाने आफ्नो वडामा उपस्थित भएको बेला वडा कार्यलयको तर्फबाट सम्मान गरिने उनले बताए । कार्यक्रममा बोल्दै विशेष अतिथि नेकपा एमाले छेडागाड ६ को वडा कमिटी अध्यक्ष दीर्घ प्रसाद शर्माले आफु र आफु सम्बध संस्था देश र जनताको हितको लागि काम गरेको बताए । कार्यक्रमको संचालन बिद्यालयका प्र.अ. राम प्रसाद शर्माले गरेका थिए भने सभा अध्यक्ष स्कुल अध्यक्ष जंग बहादुर बुढाले गरेका थिए ।