सोसल मिडिया
हाम्रो बारेमा
गोपनीयता नीति
प्रयोगका सर्त
म जाउला नजाउला गए भने छोड्ने छैन म । उसँगको नाता कहिलै तोड्ने छैन म म जाउला नजाउला गए भने छोड्ने छैन म किन नछाड्ने ऊ चुम्बक हो ? कसैले सोधेमा भनिदिउला होइन ऊ चुम्बक तर पनि उसको त्यो गुन्यू र फुलबुट्टे चोलिले यो मनलाई तानिरहेछ । यहीँ मनलाई बिथोलिदिने उसको त्यो धान नाच र मारुनी नाच त बेइमानी रहेछ ।
ऊ यति अचम्मकी छ कि खुला सगरलाई ओढ्ने बनाउछे, खुला चौरलाई ओछ्यान बनाउछे । थाहा छ ! उसलाई गीत सुन्न कानमा एरफोन हाल्नु पर्दैन ।
बस् !
कोइलीले गीत गाइदियोस, पवनले मुरली बजाओस, झ्याउ किरीले झ्याली बजाओस, त्यो लालिगुराँस थोरै लजाओस ! अनि त्यो मनकामनाको मन्दिरको आशिषमा भगवानको भाजनमा उसलाई मजा आओस् ! त्यसैले त भन्छु मेरो कुटोले त्यो विदेशको खाँडीमा कहिलै गोड्ने छैन म । उसँगको नाता कहिलै तोड्ने छैन म म जाउला नजाउला गए भने छोड्ने छैन म ।
कहिँ भेटिदैनन त्यस्ता नयन जुन नयन पूर्वको मेची रुँदा पश्चिम महाकालीमा आँसु बगाउन् । कहिँ मिल्दैनन त्यस्ता पन्जा जुन पन्जाले फरक धर्मको फरक किताबबाट पनि एकताको माला सजाउन्। कहाँ भेटिनु र हौं ती भाकाहरु जुन भाकाले सारङ्गिको रेटाइमा दुख र सुखका गीत गाउन ।
जुन मोहनी चमेलीको गाउँले लगाएको छ त्यो प्रेम कहिलै फोड्ने छैन म । उसँगको नाता कहिलै तोड्ने छैन म म जाउला नजाउला गए भने छोड्ने छैन म । इलामका चियाका बोटमा मुना पलाउँदा साँच्चै ऊ कलिली देखिन्छे । अनि म गोर्खाली भनी छाती पिट्दा साँच्चै ऊ बलिली देखिन्छे । लक्ष्मी, भानु, मोतीको कविताको प्रभात छ उसको, धरामुनी सुधा अनि सगर छुने माथ छ उसको । सेलो, होरी सँगै झ्याउरे अनि तीज,असारे, यि बाहेक अरु कुनै रंग जोड्ने छैन म उसँगको नाता कहिलै तोड्ने छैन म म जाउला नजाउला गए भने छोड्ने छैन म ।
"बाबू यो पटकको दशैमा त घर आ, त बिनाको घर, पर्व के पर्व । आमा आजैदेखि दहिमा टीका मोक्षे हुन्छ । हजुरको ठूले यो चोटि त घरमा मात्रै होइन गाउँभरी टीका लाएर ठूलाको आशिर्वाद पाएर, सानोलाई आशिष दिने छ । अनि त्यो चमेली र जुनकीरीकाे निधारमा रंग भर्ने छ। चिन्ता नगर आमा यो दशैमा गाउँमा नौमति र पन्चेबाजाकाे राेनक पनि बज्ने छ।" कसलाई के थाहा त्यो मीठो संदेशले याे निर्मल रुपमा बगिरहेको कर्णाली र शान्तरुपमा बसिरहेको रारामा पनि हलचल आउछ भनेर । डाेल्पाेले घाेप्टाे परेर कसैले चेप्टो परेर घण्टी बजाउछ भनेर । अनि त गाउँ भरिका चेली चमेलीहरुले घलेक, चाेलाे, सारी र भाेटाे खाेज्न थाल्ने छन् । ती नौजवान ठिटाहरुले दौरासुरुवालकाे पहिरनसँगै खुसीको रौनक बाल्न खोज्नेछ्न,
यो सबै देखेर देशभक्तिले गाउने गर्छ बनेको छ पहराले यो छाती मेरो, बगेको छ झरना रगतमा मेरो, पखेरोमा म जन्मे, टाकुरोमा खेल्ने म झुक्दै न झुक्ने नेपालको छोरो ।
देशभक्तिको मन भएको छोरो भएको यो गाउँलाई छोडी म अरु कुनै गाउँको चित्र, यो दिलमा कोर्ने छैन म । उसँगको नाता कहिलै तोड्ने छैन म म जाउला नजाउला गए भने छोड्ने छैन म !!! तारा भट्टराई कक्षा :- १० अमरज्योती माध्यमिक विद्यालय, वीरेन्द्रनगर नगरपालिका - १२ नेवारे, सुर्खेत । मिति:-२०८१/०३/२९ २११ औं भानुजयन्तिको अवसरमा !
