सोसल मिडिया
हाम्रो बारेमा
गोपनीयता नीति
प्रयोगका सर्त
यस्तो लाग्छ!
यो शहर
हत्यारा हो।
बलत्कारी हरुको हो।
ईष्र्या,
प्रतिशोध
र
अहंकार जन्माउने
कारखाना हो।
फलामको टाँप बाधेको
बादशाहको
वेलगाम घोडा हो।
मान्छेको छातीमा कुल्चने
क्रूर र पाखण्डी
मुर्कट्टाहरुको अखाडा हो।
यो शहर!
संस्कृति बेचेर
पहिचान गुमाएको
हिजडाहरुको बस्ती हो।
इतिहास सांक्षी छ!
मुर्खलाई
धरहराबाट हम्फाल्न लगाएर
हिटलर बनाएको हो।
पागल करार गरेको।
मुर्खलाई!
महामानव उपाधी दिएको।
कहिले
श्रीपेच पहिर्याउछ।
श्रीपेच खोलेर
नारायणहिटी भित्र कैद गर्छ।
बलात्कारी जन्माउछ।
भन्छ
रास्ट्रको गहना हो।
निर्मलालाई मार्छ
बलात्कारी, हत्याराको
खोजी हुँदैछ।
कस्लाई सम्मान गर्छ।
बुद्द,भृकुटी र सिताको अपमान गर्छ।
कहिले!
टायर बालेर सडक पोल्छ।
सडक बनाउन
त्यही टायर बाल्छ।
छद्मभेषी छ!
कविता बुझ्दैन!
कविलाई चिन्दैन!
रास्ट्रीय गानको संगीतमा
छातीमा हात राखेर
भक्तीभाव देखाउछ।
मानवताको हत्यारा हो।
शान्तिको अपहरणकारी हो।
विवेक बेच्ने दलाल हो।
निष्कर्षमा!
आवारा
लठ्ठू
झल्लू
दास मनोवृत्ति भएका
टोले,झोले
भूँई मान्छेको
रगत पसिना
खाने हरुको
एकमुष्ट
चिहान हो।
