सुर्खेत । सिट क्षमताभन्दा धेरै यात्रु बोकेका १५ वटा बस प्रहरीले नियन्त्रणमा लिएको छ । सुर्खेतबाट काठमाडौंका लागि छुटेका १५ वटा रात्रिकालीन बस शनिबार साँझ वीरेन्द्रनगरस्थित सुब्बाकुनामा नियन्त्रणमा लिइएको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए ।

‘सिट क्षमताभन्दा बढी यात्रु बोकेका १५ वटा नाइट बस नियन्त्रणमा लिएका छौं । बसको क्षमता अनुसार नै यात्रु राखेर जान भनेका छौं,’ प्रहरी उपरीक्षक खड्काले भने ।

उनका अनुसार प्रहरीले यात्रुहरूको सुरक्षाका लागि अर्को बसको व्यवस्था गरेर यात्रुहरूलाई गन्तव्यमा पुर्‍याउन यातायात समितिलाई आग्रह गरेको छ । अर्को बसको व्यवस्था नभएसम्म रात्रिकालीन बसलाई छोड्न नदिने उपरीक्षक खड्काले बताए । अनलाइनखबर