सोसल मिडिया
हाम्रो बारेमा
गोपनीयता नीति
प्रयोगका सर्त
सुर्खेत । जाजरकोटमा भएका छुट्टाछुट्टै दुई वटा सवारी दुर्घटनामा गम्भीर घाइते भएका ९ जनालाई थप उपचारका लागि सुर्खेत ल्याइने भएको छ ।
सोमबार दिउँसो भएको दुई सवारी दुर्घटनामा गम्भीर घाइते भएका ९ जनालाई नेपाली सेनाको हेलिकप्टरमार्फत सुर्खेत ल्याउन लागिएको हो ।
जिल्लाको भेरी नगरपालिका–१३ कदुमा भएको माइक्रोबस दुर्घटनामा २५ जना घाइते भएका छन् भने जिल्लाकै नलगाड नगरपालिकास्थित बाउसेखोलामा भएको दुर्घटनामा ७ जना घाइते भएका थिए ।
दुईवटा सवारी दुर्घटनामा परी ३२ जना घाइतेमध्ये ९ जनाको अवस्था गम्भीर भएपछि नेपाली सेनाको हेलिकप्टरमार्फत सुर्खेतस्थित प्रदेश अस्पतालमा पठाउने तयारी भइरहेको जिल्ला प्रहरी कार्यालय जाजरकोटका प्रमुख पुरुषोत्तम पाण्डेले जानकारी दिए ।
‘भेरीका ७ र नलगाड दुर्घटनाका २ जना गम्भीर घाइते भएका छन्’, डीएसपी पाण्डेले भने, ‘उहाँहरूलाई सेनाको हेलिकप्टरमार्फत सुर्खेत पठाउने तयारी भइरहेको छ ।’
उनका अनुसार अन्य सामान्य घाइते भएको उनीहरूको उपचार जिल्ला अस्पताल जाजरकोटमा उपचार भइरहेको छ । अनलाइनखबर
