जाजरकोट । राष्ट्रिय युवा संघ नेपाल जाजरकोटको चौथो पुर्ण बैठकले अधिवेशन आयोजक कमिटी गठन गरेको छ । युवा संघ नेपाल जाजरकोटका अध्यक्ष सरोज जंग शाही रोजगारीको लागि अष्ट्रेलिया गएकाले युवा संघ नेपाल जिल्ला कमिटी जाजरकोटका उपाध्यक्ष तथा कार्यबाहक अध्यक्ष अशोक शिहंको संयोजकत्वमा अधिवेशन आयोजक कमिटी गठन गरिएको हो ।

साथै शुक्रबार बसेको बैठकले आउदो फाल्गुन २४ गते भित्र जाजरकोटका ७ वटै पालिका र ७७ वटा वडाको अधिबेशन गरि सक्ने निर्णय गरेको छ । जिल्ला आयोजक कमिटीको पहिलो बैठक आगामी फाल्गुन २५ गते ऋद्दि हल जाजरकोटमा बस्ने समेत निर्णय भएको छ । 
यस्तै शुक्रबार नै एक कार्यक्रमको आयोजनागरि जाजरकोट खलंगाको ठाँटी बजार नेर  ब्यानर टाँसी आगामी फाल्गुन ११ देखि १९ सम्म संचालन  हुने केपि ओली तेस्रो संस्करण खेलको भब्य रुपले समापन गर्नको लागि ब्यापक प्रचार समेत गरिएको छ ।

युवा संग नेपाल जाजरकोटका उपाध्यक्ष एवम् कार्यबाहक अध्यक्ष अशोक शिहको अध्यक्षता र राष्ट्रिय युवा संघ नेपाल केन्द्रिय कमिटी सदस्य एवम् कर्णाली प्रदेश सह ईन्चार्ज लोकेन्द्र गौतमको प्रमुख आतिथ्यता तथा नेकपा एमाले जाजरकोटका उपाध्यक्ष बिश्व बिक्रम शाह प्रमुख बक्ता रहेको कार्यक्रमको बिशेश अतिथि राष्ट्रिय युवा संघ नेपाल केन्द्रिय सदस्य तथा जाजरकोट ईन्चार्ज नरेन्द्र घर्ति र कर्णाली प्रदेश कमिटी अध्यक्ष जिवन कुमार शाही र उपाध्यक्ष गणेश शाहीको उपस्थिति थियो ।

यस्तै अन्य अतिथिमा नेपाल खेलकुद महासंघ केन्द्रिय सचिवालय सदस्य तथा जाजरकोट ईन्चार्ज लोकेन्द्र सिहं (लोकेश) अनेरा स्वबियु प्रदेश कमिटी उपाध्यक्ष बिबस भारती लगायत थिए ।