सुर्खेत l सुर्खेत साईनिङ अस्पताल आई एन एफ सुर्खेतले हरियो खर्क अस्पताल आई एन एफ पोखरासँगको सहकार्यमा हरियो खर्क अस्पतालका पलाष्टिक सर्जन विशेषज्ञ डक्टर सुरज महर्जनको नेतृत्वमा साईनिङ अस्पताल सुर्खेतमा यहि माघ २४ र २५ गते लेप्रोसी तथा अपाङ्गता स्वास्थ्य शिबिर सम्पन्न भयो। उक्त अवसरमा स्थानिय सरकार, स्वास्थ्य संस्था र साईनिङ अस्पताल आई एन एफ सुर्खेतले संयुक्त रुपमा संचालन गरेका स्क्रीनिंङ्ग क्यापमा पहिचान भएका २६ जना अपाङ्गता भएका व्यक्तिहरुले शिविरबाट सेवा प्राप्त गर्नु भएको थियो ।

शिविरमा सुर्खेतका विभिन्न पालिकाका २६ जना अपाङ्गता भएका व्यक्तिहरूको सहभागिता रहेको थियो सहभागीहरुले स्वास्थ्य शिविरमा उनीहरुले मनोपरामर्शदाताबाट मानोपरामर्श सेवा,फिजियो थेरापिष्ट र अकुपेशानल थेरापिष्ट बाट थेरापी सेवा, प्रोथेसिस अर्थोसिस प्राबिधिकबाट कृतिम अंग निर्माण सहयोग, सहायक सामग्री निर्माण तथा व्हिल्चियर एसेम्बलरबाट सहायक सामग्री निर्माण तथा मर्मत सेवा प्राप्त गर्नु भएको थियो।

हरियो खर्क अस्पताल आई एन एफ पोखरामा लेप्रोसी तथा अपाङ्गता बिभाग प्रमुख पलाष्टिक सर्जन विशेषज्ञ डक्टर सुरज महर्जनले अपाङ्गता भएका व्यक्तिहरुले बेलैमा सहि उपचार पाउन सके उनीहरुको अपाङ्गताको अबस्थामा धेरै सुधार गर्न सकिने, उनीहरुको कार्यगत क्षमतामा बृदी गर्न सकिने बताउनु भयो। कर्णाली तथा सुदुरपश्चिममा अपाङ्गता भएको व्यक्तिहरुको संख्या अधिक रहेको , आर्थिक तथा सामाजिक कारणले उनीहरुले बेलैमा उचित स्वास्थ्य सेवा प्राप्त गर्न नसकेको हुँदा साईनिङ अस्पताल आई एन एफ सुर्खेतले सरकारी, व्यक्तिगत र कर्पोरेट सामाजिक उत्तरदायित्व अन्तर्गतको साथ सहयोग लिएर कार्य गर्न सल्लाह दिदै आफुले पनि विभिन्न सहयोगी निकायसंग समन्वय गरी सुर्खेतममा सहयोग पुर्याउने बताउने भयो।

यसै क्रममा साईनिङ अस्पताल आई एन एफ सुर्खेत, पहुँच तथा समावेशीकरण परियोजनाका परियोजना अधिकृत लोक प्रसाद गौतमले, सुर्खेतमा स्थानिय सरकारले आई एन एफको सेवा भाव सहितको उत्कृष्ट कार्यको कदर गर्दै पारियोजना र परियोजनाका क्रियाकलाप कार्यान्वनमा आर्थिक साझेदारी, सहकार्यका साथ अभिभावकीय भूमिका प्रदान गरेको कुरा बताउने भयो। फिस्टुला सेन्टरका शाखा प्रमुख कान्ता प्रसाद सुवेदीले, पलाष्टिक सर्जन डक्टर सुरज महर्जनको उपस्थितिले साईनिङ अस्पताल आई एन एफ सुर्खेतका कर्मचारीले धेरै कुरा सिक्न पाएको र सेवा ग्राहीलाई साईनिङ अस्पतालले सुलभ रुपमा सेवा दिन सकेको कुरा बताउनु भयो। नर्सिङ्ग इन्चार्ज हेमा चौधरीले, डक्टर सुरजको उपस्थिति र शिविरले कार्यरत प्राबिधिक टिममा हौसल्ला, सेवा गर्ने प्रेरणा र प्राबिधिक ज्ञान आभिबृधि हुनुका साथै साईनिङ अस्पताल आफनो सेवालाई तथा बिस्तार गर्नु पर्ने धारण राख्नु भयो।

साइनिङ अस्पताल ई एन एफ सुर्खेतले पहुँच तथा समावेशीकरण परियोजना मार्फत पञ्चपुरी, बिरेन्द्रनगर, गुर्भाकोट र सिम्तामा कार्य गरिरहेको छ। परियोजनाले अपाङ्गता भएका व्यक्तिहरूको पहिचान क्याम्प, स्वास्थ्य उपचार सेवा, फिजियोथेरापी सेवा, परामर्श सेवा पुनर्स्थापना सेवा, सहायक सामग्री निर्माण, मर्मत सम्भार र वितरण तथा अपाङ्गता भएका व्यक्तिहरु वा उनीहरुको परिवारलाई ब्यबसायिक तालिम, सिपमूलक तालिम सहयोग प्रदान गर्दै आइरहेको छ। अपाङ्गता भएका व्यक्तिहरूलाई आवश्यक सहायक सामाग्री, कृतिम अंग, उत्पादन बिक्री तथा वितरण गर्दै आइरहेको कर्णालीमै एक सहायक सामग्री उत्पादन गर्ने निकायको रूपमा आफूलाई स्थापित गर्दै आइरहेको छ।

नेपालका गरिब र पिछडिएका जनता र समुदायका लागि आफ्नो पूर्णतामा जीवन भन्ने परिकल्पनाका साथ् आइ एन एफ ले १९५२ देखि नेपालमा कुष्ठरोग, मेरुदण्डमा चोटपटक र अन्य अपाङ्गता भएका मानिसहरूलाई मद्दत गर्ने; केही दुर्गम र गरिब समुदायहरूमा विकासलाई सहज बनाउँछ र मेडिकल आउटरिच कार्यक्रमहरू सञ्चालन गर्ने गर्दछ। भने "अपांगता भएका व्यक्तिहरुकोलागि आर्थिक सुधार, पहुच तथा समाबेशीकरण" परियोजना सुर्खेतका ४ पालिकाहरु-बिरेन्द्रनगर, पंचापुरी, गुर्भाकोट र सिम्तामा जुलाई २०२२ देखि २०२५ सेप्टेम्बरसम्मका लागि संचालित छ।