जाजरकोट l छेडागाड नगरपालिका जाजरकोटको १७ नगरसभा (आठौ विधायन अधिवेशन) कृषि संकलन केन्द्रको सभाहलमा आइतबार सम्पन्न भएको छ ।

नगर प्रमुख तथा सभा अध्यक्ष रत्न बहादुर खड्काको अध्यक्षतामा बसेको सभा बैठकमा पूर्व आर्थिक मामिला तथा योजना मन्त्री एंव जाजरकोट प्रदेश सभासदस्य (क) माननीय बेदराज सिंह प्रमुख अतिथि, जिल्ला समन्वय प्रमुख काली बहादुर खत्री विशेष अतिथिको रुपमा रहेका थिए । सभा बैठकमा समन्वय समितिको सदस्य खडग बहादुर वि सी, नेपाली काँग्रेस जाजरकोटका काबा सभापती खडक बहादुर वि सी लगायत स्थानीय राजनीतिक दलका प्रमुख तथा प्रतिनिधिहरुले शुभकामना मन्तव्य दिएको सूचना अधिकारी देब बहादुर बुढाले जानकारी दिए । 

पहिलो शत्रको कार्यक्रम संञ्चालन नि प्रमुख प्रशासकीय अधिकृत दिपक कुमार शाहीले गरेकोे कार्यक्रममा नगर उप प्रमुख एंव सभा उपाध्यक्ष चन्द्र बहादुर थापाले स्वागत मन्तव्य द्धारा स्वागत गर्दै छेडागाड नगरपालिकालाई समृद्ध बनाउन सहयोगको आवश्यकता रहेको बताउदै रचनात्मक सहयोगको लागि सबैलाई आव्हान गरेका थिए । 

सभा बैठकमा उपस्थित सबै राजनीतिक दलका प्रमुख तथा प्रतिनिधिहरुले शुमकामना मन्तव्यको क्रममा नगरपालिकाले गरेको कार्यसम्पादनलाई नजिकबाट दलहरुले निहालिरहेको र आवश्यक पर्दा सहयोगी बनेको उल्लेख गर्दै नगरपालिकाले अघि सारेका विकास आयोजनालाई गुणस्तरीय रुपमा समयमै छिटो सम्पन्न गर्न सरोकारवाला निकाय तथा पक्षलाई खबरदारी गर्दै रचनात्मक सल्लाह समेत पटकपटक प्रदान गरिरहने धारणा राखेका थिए । 

नगरसभा बैठकलाई सम्बोधन गर्दै पूर्व मन्त्रीरप्रदेश सांसद एंव सभाको प्रमुख अतिथि माननीय बेदराज सिहंले छेडागाड नगरपालिका र यहाँका बासिन्दाका विकास आयोजनासंग सम्बन्धित समस्या समाधानको लागि आफुले गरेका कामहरुको चर्चा गर्दै आयोजना दिगो गुणस्तरीय र टिकाउ हुने गरी निर्माण हुनेमा आफु आशाबादी रहेको बताए । आगामी दिनमा पनि सिस्टमबाट नगरपालिकाको प्राथमिकतामा परेका आयोजना छनौट तथा निर्माणमा आफु लागि पर्ने समेत उनले बताए ।नगरसभामा नगरपालिकाको शिक्षा ऐन २०७४ को छैठौ संशोधन गर्न बनेको विधेयक २०८१ तथा न्यायिक समितिले उजूरी कारबाही किनारा गर्दा अपनाउनुपर्ने कार्यविधि सम्बन्धी व्यवस्था गर्न बनेको ऐन, २०७४ को दोस्रो संशोधन गर्न बनेको विधेयक, २०८१ चालु आवको बार्षिक विकास कार्यक्रममा भएका वडा तथा शाखाका केही कार्यक्रम तथा आयोजना संशोधन गरेको सभा अध्यक्ष तथा नगर प्रमुख रत्न बहादुर खड्काले बताए । उक्त ऐन तथा कार्यक्रम र आयोजना संशोधनबाट नगरपालिकाको कार्यसम्पादनमा थप सहजता आउने सभा अध्यक्ष खड्काको भनाई छ ।