बाँके । कोहलपुर नगरपालिकामा जारी आँखा शिविरमा अप्रेसन गरेका एकजनाको आँखाको पट्टी मेयर पुर्ण प्रसाद आचार्यले खोलेका छन । आँखा जाँचपछि मोति बिन्दु भएका ९२ जनालाई फागुन १६ गते अप्रेसन गरिएको थियो ।

अप्रेसन गरिएका ९२ जना मध्ये शनिबार एकजनालाई कोहलपुर नगरपालिकाका मेयर पुर्ण प्रसाद आचार्यले पट्टी निकालेको थिए ।
कोहलपुर नगरपालिकाको ब्यबस्थापनमा तिलगंगा आँखा अस्पतालको प्राविधिक सहयोग र The Fred Hollows अस्ट्रेलियाको आर्थिक सहयोगमा कोहलपुर नगरपालिका परिसरमा आँखा जाँच र अप्रेसन शिविर संचालन भैरहेको छ ।

बिरामीको आँखा जाँच माघ ९ गते देखि १५ गतेसम्म भएको थियो । तिलगंगा आँखा अस्पतालको प्राबिधिक सहयोग र कोहलपुर नगरपालिकाको ब्यबस्थापकीय सहयोगमा १५ सय जनाको स्कृनमा जाँच गरिएको थियो ।

नेत्र रोग विशेषज्ञ डाक्टर सागर रुइत र डाक्टर  नम्रता गुप्ताले आँखाको जाँच गरेका थिए । यो अहिलेसम्मकै आँखा शिविर ठुलो रहेको प्रमुख प्रशासकीय अधिकृत मानबहादुर गिरीले बताए । यसको कार्यक्रम संयोजक महेश पराजुली रहेका छन ।

९२ जना अप्रेसन भएको छ भने अन्य आँखा सम्बन्धि समस्या भएकोलाई खबरगरि सेवा लिन मेयर पुर्ण प्रसाद आचार्यले अनुरोध गरेका छन ।