बाँके । कोहलपुर नगरपालिकामा भएको आँखा शिविरमा २ हजार बढीले लाभ लिएका छन । तिलगंगा आँखा अस्पतालसंगको सहकार्यमा कोहलपुर नगरपालिकाले आयोजना गरेको आँखाको निःशुल्क स्क्रिनिङ तथा शल्यक्रिया शिविरमा १ हजार ६ सय बढीको चेकजाँच र ४ सय ४२ जनाको शल्यक्रिया गरिएको छ । 

आँखाका बिशेषज्ञ चिकित्सक मार्फत यति धेरैको संख्यामा एकैपटक निःशुल्क चेकजाँच, औंषधी वितरण र शल्यक्रिया सेवा प्रदान गरिएको कोहलपुर नगरपालिकामा पहिलो भएको नगर प्रमुख पूर्ण प्रसाद आचार्यले बताए । 

शल्यक्रिया पछि बिरामीलाई खाजादेखि घरसम्मै पु¥याउने व्यवस्था समेत गरिएको थियो । स्वास्थ्य सेवालाई सबैको पहुँचमा ल्याउन कोहलपुर नगरपालिका प्रतिवद्व रहेको मेयर आचार्यको भनाइ छ ।

बिशेष गरि तिलगंगा आँखा अस्पतालका चिकित्सक सहितको सम्पूर्ण टिम प्रति उनले आभार समेत प्रकट गरे । त्यसैगरी नगर स्वास्थ्यका कर्मचारी, जनप्रतिनिधिहरु, शल्यक्रिया गरेका सम्पुर्णमा नगर प्रमुख आचार्यले स्वास्थ्यलाभको कामना समेत गरेका छन ।